tobacco and cigarettes used

تمباکو اور سگریٹ کا عادی بھارتی بکرا

تمباکو اور سگریٹ کا عادی بھارتی بکرا

بھارتی بکرا جسے سگریٹ کی لت لگ گئی ہے۔

کرناٹکا: بھارتی شہر مندیا میں ایک بکرا سگریٹ اور تمباکو کا اس قدر عادی ہوچکا ہے کہ اب وہ پان کی دکانوں کے باہر گھومتا دکھائی دیتا ہے کہ کوئی اسے سگریٹ پلادے۔

یہ بکرا چارے اور سبزیوں کے ساتھ ساتھ اب تمباکو بھی رغبت سے چباتا ہے۔ علاوہ ازیں وہ بیڑی کھاتا اور تمباکو کے پتے چباتا ہے۔ بکرے کے مالک یشونت نے کہا ہے کہ پہلے پہل اس نے سگریٹ کے ٹوٹے کھانے شروع کیے اور یہاں تک کہ تمباکو والے کاغذ اور ساشے بھی چاٹتا ہے۔ میرے بکرے کی تمباکو سے رغبت اس قدر بڑھ گئی ہے کہ اب یہ حال ہے کہ یہ باقاعدہ چارے کے طور پر سگریٹ کھاتا ہے۔

خیال رہے کہ بھارت میں مقامی چرواہے اور کسان مویشیوں کے پیٹ کے کیڑے مارنے کے لیے انہیں معمولی مقدار میں تمباکو کھلاتے ہیں۔ اگر جانور بیمار ہوجائے تو اسے تمباکو کی بڑی مقدار دی جاتی ہے۔ دوسری جانب بھارتی ڈاکٹروں نے اس رجحان کو غلط قرار دیتے ہوئے کہا ہے کہ تمباکو انسان اور جانور، دونوں کی جان کا دشمن ہے۔
ماہرین کے مطابق اگر معصوم جانوروں کو تمباکو کی لت لگادی جائے تو اس سے وہ ہیجان، تشنج (جھٹکوں)، قے، کمزوری ، سانس کے امراض اور یہاں تک کہ موت کے شکار بھی ہوسکتے ہیں۔

Leave a Reply

Your email address will not be published. Required fields are marked *